"Барселона" бош мураббийи Хави ҳужумчи Лионель Мессининг қайтиши мумкинлиги ҳақидаги фикрлари билан ўртоқлашди.
"Ҳозир Мессининг "Барселона"га қайтиши ҳақида гапиришнинг маъноси йўқ, унинг "ПСЖ" билан шартномаси бор. Ҳозирда бунинг иложи йўқ, келинг, келажакда нима бўлишини кўрамиз”, - дея Хавидан иқтибос келтиради журналист Елена Кондис.
Месси 2021 йилнинг ёзида "Барселона" билан шартномаси тугаганидан кейин "ПСЖ"га ўтган эди. Каталония клуби молиявий муаммолар туфайли 34 ёшли аргентиналик футболчи билан шартномани узайтира олмади.
Месси ўтган мавсумда барча турнирларда 34 ўйинда майдонга тушиб, 11 гол ва 12 голга ассистентлик қилган.
