"Наполи" ҳужумчиси Ирвин Лосано фаолиятини АПЛда давом эттириши мумкин. "Кристал Пэлас" футболчига номзодлардан бири.
Лосано 2019 йилнинг ёзида "ПСВ"дан 45 миллион евро эвазига "Наполи"га ўтган эди. Бироқ, А серияда ишлар яхши кетмади ва футболчи шу ёзда ўз манзилини ўзгартириши мумкин.
"Наполи" президенти Аурелио де Лаурентис таклифларни қабул қилишга тайёр ва мексикалик футболчини 30 миллион еврога сотиш ниятида. Бироқ, Премьер-лига клублари 20 миллиондан ортиқ пул тўлашга тайёр эмас.
Футболчининг шартномаси икки йилдан кейин тугайди. Шартномага кўра, футболчи йилига 4,5 миллион евро олади.
