"Манчестер Сити"нинг собиқ футболчиси Яя Туре "Тоттенхэм" ёшлар жамоасига бош мураббий этиб тайинланди. Бу ҳақда ижтимоий тармоқларда журналист Дэн Килпатрик хабар берди.
Эслатиб ўтамиз, Яя Туре 2018/19 йилги мавсумда профессионал фаолиятини якунлаганди. Ивуарлик собиқ футболчининг сўнгги клуби Грециянинг "Олимпиакос" клуби бўлиб, унда ярим ҳимоячи чемпионатда атиги иккита ўйин ўтказган.
Туре авваллари телевидениеда эксперт сифатида ҳам ишлаган. Ивуарлик собиқ футболчи фаолиятини профессионал мураббий сифатида бошлаш ниятини бир неча бор эълон қилган. Лондоннинг "Тоттенхэм" клуби унга шундай имкониятни тақдим этди.
