"Бавария" мазкур ёзги трансфер пайтидаги навбатдаги харидни амалга оширди. "Ренн" клуби қанот ҳимоячиси Матис Тель мюнхенликлар сафига ўтди. Бу ҳақда "Бавария" клуби расмий сайти хабар тарқатди.

"Бавария" 17 ёшли футболчи учун 20 миллион евро тўлади. Шунингдек, яна 8,5 миллион евро бонус сифатида "Ренн" ҳисобига ўтиши кўзда тутилган. Футболчи билан 5 йиллик шартнома имзоланди.

"Бавария — жаҳоннинг энг яхши клубларидан бири. Мен мазкур катта синовни интизорлик билан кутяпман ва клуб учун қўлимдан келган барча ишни қиламан. Ҳасан Салиҳамиджич ва клубнинг бошқа масъул шахслари билан ўтказилган музокаралар менда чуқур таассурот қолдирди ҳамда ҳақиқатан ҳам Мюнхенга йўл олишим кераклигини тушуниб етдим", - деди Матис шартномага имзо чеккач.

Матис Тель ўтган мавсумни Франция чемпионатида ўтказиб, мусобақа тарихидаги энг ёш дебютантга айланди (16 ёшу 110 кунлик). Аввалги рекорд Эдуардо Камавингага тегишли эди.