Германия терма жамоасининг собиқ сардори Михаель Баллак ўз мамлакати терма жамоасининг сўнгги ўйинидан кўнгли тўлмаганини айтиб ўтди.
Баллак Германия терма жамоаси Европа чемпионатининг илк ўйинида Португалияликларни 1:0 ҳисобида мағлубиятга учратганига қарамай, терма жамоа ўз имкониятларини тўлиқ ишга солгани йўқ деб ҳисоблаяпти.
"Жамоа ғалаба қозонганига қарамай, ҳудди ўртамиёна терма жамоаларга ўхшаб ўйнади. Айтиш мумкинки, бундестим ўз имкониятларининг атиги 50%дагина тўп сурди.
"Аммо бу терманинг ўйини ўйиндан-ўйингача очилиб боришига шубҳам йўқ. Терма жамоа ҳали ўзининг энг яхши ўйинини кўрсатгани йўқ. Ёоахим Лёв нима қилиш кераклигини яхши билади. Ўйлайманки, Германия ҳали ўзини кўрсатади", - дейди Германия терма жамоасининг собиқ сардори УЕФА расмий сайтига берган интервьюсида.