Италиялик журналистларнинг хабар беришича, "Вест Хэм" "Наполи" ярим ҳимоячиси Пьётр Зиелиньскига йилига 6 миллион евролик янги шартнома таклиф қилмоқчи.
Бир неча кун олдин Зелиньски неаполликлар клубини тарк этмоқчи эмаслигини айтган эди, шу сабабли лондонликлар яхшироқ таклиф билан чиқиш ниятида.
Бу орада "Вест Хэм" футболчининг нархи масаласини ҳал қилиши керак. "Наполи" Зелиньски учун 40 миллион евро талаб қилмоқда, лондонликлар бу нархни жуда юқори деб ҳисоблайди.
Ўтган мавсумда футболчи Италия чемпионатида 35 та ўйинда майдонга тушиб, 6 та гол урди ва 5 та голли узатмани амалга оширди.