"Реал" бош мураббийи Карло Анчелотти "Айнтрахт" билан УЕФА Суперкубоги учун ўйинда жамоага Чемпионлар лигасида ғалаба қозонишда ёрдам берган футболчилардан фойдаланишини маълум қилди.
“Биз Чемпионлар лигасида ғолиб чиққан футболчиларга таянишимиз керак. Ўтган мавсумни Суперкубокдаги ғалаба билан якунлашимиз керак. Биз қаттиқ ишлаяпмиз ва тайёрланяпмиз. Ҳозир жамоанинг тайёргарлиги энг юқори даражада эмас, лекин бу ижобий белги. "Ювентус" билан ўйиндан сўнг биз Суперкубок учун ўйинга яхши ҳолатда яқинлашиш учун юкни камайтирамиз", - деди Анчелотти Mundo Deportivo билан суҳбатда.
УЕФА Суперкубоги учун “Реал” – “Айнтрахт” учрашуви 11 август куни Хелсинкидаги (Финляндия) “Олимпия стадиони”да бўлиб ўтади. Учрашув Тошкент вақти билан 00:00 да бошланади. Эслатиб ўтамиз, Мадрид клуби УЕФА Чемпионлар лигасининг 2021/2022 йилги мавсуми ғолибига айланди, "Айнтрахт" эса Европа лигасида ғолиб чиқди.
