"Аякс" жамоа вингери Антонини "Манчестер Юнайтед"га сотмайди.

De Telegraaf хабарига кўра, "Аякс" жорий трансфер ойнасида 22 ёшли футболчи билан хайрлашмоқчи эмас.

Бундан ташқари, нидерландлар музокараларда молиявий талабларни 80 дан 100 миллион еврога кўтарди.

Журналист Жак Талботнинг ёзишича, Антонининг ўзи ҳам "Манчестер Юнайтед"га ўтишни хоҳлайди, аммо трансфер барибир амалга ошмайди.

Ўтган мавсумда бразилиялик футболчи барча мусобақаларда 33 та ўйинда майдонга тушиб, 12 та гол урди ва 10 та голли узатмани амалга оширди.