Голландия терма жамоаси бош мураббийи Берт Ван Марвейк, эртага Германия терма жамоасига қарши бўлиб ўтадиган баҳсда ўз шогирдларининг ғалаба қозонишига имкониятлари етарли эканлигини таъкидлади.
"Бундай катта ўйинлар пайтида ҳар доим босим ақл бовар қилмас даражада бўлади. Аксига олиб биринчи учрашувни бой бериб қўйдик. Биз биринчи ўйиндаги мағлубиятдан сўнг бироз тушкунликдамиз, аммо ўша мағлубият бизни эртанги ўйиндан олдин руҳлантириши мумкин".
"Биз сўнгги бир неча йиллар давомидаги энг муҳим ўйинлардан бирига тайёргарчилик кўрмоқдамиз. Германияни қандай мағлубиятга учратиш мумкин? Буни ўйиндан олдин ўз шогирдлариимга айтаман, аммо сизга эмас".
"Германия - жуда кучли терма жамоа. Аммо уларни мағлубиятга учратса бўлади. Биз буни уддасидан чиқа оламиз", - дейди Берт Ван Марвейк УЕФА расмий сайтига берган интервьюсида.
