“Металлург” ПФК мураббийлар штабида испаниялик мутахассислар сони яна бир кишига кўпайди. Июль ойининг бошида бош мураббий Луисма Эрнандесга фалсафа фанлари доктори Роберто Овехеро ёрдамга келганлиги ҳақида хабар бергандик. Мазкур ҳафтадан эътиборан хорижлик мутахассисларимиз сони уч кишига етди. Эндиликда Виктор Мартин Альба ҳам “Металлург” ПФК асосий таркибининг Суперлига баҳсларида муваффақиятли иштирок этишига масъул ҳисобланади.

Виктор Мартин Альба 30 ёшда. 1992 йилнинг 30 август санасида таваллуд топган. Мадрид университетини тамомлагач, “Реал” (Мадрид) клубида иш бошлаган. Роберто Овехеро билан биргаликда “қироллик клуби”нинг С ҳамда В лигалардаги жамоаларида Антонио Калдерон, Сантьяго Солари, Тристан Селатор, Педро Санчес сингари мураббийлар билан бирга фаолият юритган. Иккинчи двизионда “Овьедо” жамоасида бош мураббий Фернандо Йеррога ёрдам беришган.

“Металлург” ПФКнинг аҳил жамоасига хуш келибсиз, Виктор!!!" - дейилади "Металлург" клубининг расмий баёнотида.