"Манчестер Юнайтед"нинг янги футболчиси Лисандро Мартинес клуб билан шартнома имзолаганидан сўнг ўз фикрлари билан ўртоқлашди.

Эслатиб ўтамиз, аргентиналик футболчи 2027 йилнинг ёзига қадар мўлжалланган шартномага имзо чекди.

“Бундай буюк клубга қўшилиш катта шараф. Мен бу трансфер содир бўлиши учун жуда кўп ишладим ва ҳозир шу ердаман. Мен янада катта ютуқларга интиламан", - деди Мартинесдан "Манчестер Юнайтед" расмий сайтига.

Мартинеснинг трансфери “қизил иблислар”га 70 миллион еврога тушди. Футболчига Лондоннинг "Арсенал" жамоаси ҳам даъвогарлик қилганди, бироқ аргентиналик футболчи ўзининг собиқ мураббийи Эрик тен Хагга эргашиб "Манчестер Юнайтед"га ўтишга қарор қилди.