"ПСЖ"нинг собиқ футболчиси Томас Меьнё Неймар ҳақида фикр билдирди. Бельгиялик футболчи Неймарни "Барселона"да ўйнаган пайтлари жуда яхши кўришини айтганди ва "ПСЖ"да Неймар ўзининг футбол сеҳрини йўқотганини айтганди.
Неймар собиқ жамоадошига тезкорлик билан жавоб қайтарди.
"Бу йигит жуда кўп гапиради", - деб ёзди Неймар ижтимоий тармоқда ва кулгили смайл қўшиб қўйди.
Эслатиб ўтамиз, Неймар "ПСЖ"да беш мавсумдан бери ўйнамоқда. 2017 йилда француз клуби бразилиялик учун 222 миллион евро тўлаган эди. Неймарнинг трансфери футбол тарихидаги энг қиммат трансфер бўлиб қолмоқда.
"ПСЖ" мавсумни 31 июль куни "Нант"га қарши Франция Суперкубоги учрашуви билан бошлайди.
