"Вулверхэмптон" ҳужумчиси Раул Хименес жароҳати сабаб сафдан чиқди. The Telegraph хабарига кўра, Мексика терма жамоаси футболчиси яқин ойда тиззасидан олган жароҳати туфайли жамоасига ёрдам беролмайди.
Эслатиб ўтамиз, ўтган мавсумда Хименес бош суяги синганлиги сабабли олти ойни ўтказиб юборишга мажбур бўлган эди.
Ушбу жароҳат туфайли мексикалик барча мусобақаларда "Вулверхэмптон"нинг 31 та учрашувини ўтказиб юборди.
Ўтган мавсумда Хименес Англия премьер-лигасида 6 та гол урди ва 4 та голли узатмани амалга оширди.
Май ойида мексикалик 31 ёшга тўлди.
