Греция терма жамоаси ҳимоячиси Василис Торосидиснинг таъкидлашича, Чехияга қарши кечган баҳсда греклар ўз ўйинларини жуда кеч топишган.
“Ўйинни нима учун бундай бошлаганимизга тушунмайман. Бутун учрашув мобайнида чехлар атиги иккита вазият содир этишди ва бундан фойдалана олишди ҳам. Шунингдек, иккинчи голда уларга омад ҳам кулиб боқди. Кейин биз ўзимизга келдик, аммо кеч эди. Бу бизнинг айбимиз. Мағлубият жавобгарлигини барчамиз зиммамизга олишимиз керак. Учрашув дебочасида иккита гол ўтказиб юборгач, ўйинга киришиб кетиш жуда қийин бўлади”, - дейди Василис.
