"Атлетико Мадрид" мухлислари клубни "Манчестер Юнайтед" ҳужумчиси Криштиану Роналдуни сотиб олишдан бош тортишга чақирди.
Мухлисларнинг таъкидлашича, 37 ёшли португалиялик бу жамоанинг қадриятларига мутлақо зиддир.
“Криштиану Роналду билан шартнома имзолаш имкониятини ҳисобга олиб, агар бу шунчаки миш-миш бўлмаса, биз унинг клубимизга қўшилишига кескин қарши эканлигимизни билдирамиз.
Бу ўйинчи "Атлетико"нинг меҳнат, сахийлик, камтарлик каби қадриятларига мутлақо зиддир", - дейди фан клуб баёнотда.
Олдинроқ Роналду Мадриднинг "Атлетико"сига ўтишга тайёрлиги ҳақида хабарлар тарқалган эди. Футболчи Чемпионлар лигасида ўйнайдиган клубда ўйнамоқчи.
