Ирландия терма жамоаси сардори Робби Кин майдонда ҳужумчи Фернандо Торрес билан учрашувни кутмоқда, дейилади Испания матбуотида.

Ушбу икки жамоа Европа чемпионатининг гуруҳ босқичида ўзаро куч синашишади.

“Умид қиламанки, майдонда Торрес билан учрашаман ва тўп учун курашишга тайёрман. Бизга қарши Испания терма жамоаси олти ярим ҳимоячи билан ўйнайдими ва умуман ҳужумчисиз тушадими фарқи йўқ. Ушбу терма жамоанинг барча футболчиси юқори маҳоратга эга. Ўйинимиз Чемпионлар Лигасининг “Барселона” ва “Челси” клублари тўқнашувини эслатиб юборса, ажабмас. Ўшанда ҳам каталонияликлар фаворит ҳисобланишганди. Аммо ишонаманки, Ирландия терма жамоаси ўйинни камчилик билан тугатмайди”, - дейди Кин.