Беларусь Олий лигаси -2022нинг биринчи давраси якунланди. Тўғри, Беларусь клубларининг еврокубоклардаги иштироки туфайли чемпионатнинг бошланғич ярмининг режалаштирилган дастуридан учта ўйин ўтказилмади ва улар бошқа санага кўчирилди. Бироқ, бу футболчиларнинг 15 турдаги статистик кўрсаткичларига мурожаат қилишга тўсқинлик қилмайди.
Голлар бўйича "Энергетика-БГУ" ҳужумчиси Бобур Абдихолиқов ишончли ҳолда пешқадамлик қилмоқда. 14 учрашувда ўзбекистонлик 14 та гол киритган. Қайд этиш керакки, ҳужумчи 11 метрлик нуқтадан учта гол урди.
Абдихолиқов тўпларнинг 2/3 қисмидан кўпроғини дарвозага аниқ йўллаган ягона ҳужумчи ҳисобланади - 67,5%. Кейинги ўринда Дембо Дарбо ўртача ҳисобда 65 фоиз зарбани аниқ нишонга олган. Қолган ўйинчилар учун аниқлик 56% дан ошмайди.
Қизиғи шундаки, у ёки бу легионерни чемпионатнинг энг кўп зарба берган футболчиси деб бўлмайди. "Славия"нинг чап қанот ҳимоячиси Глеб Жердев 90 дақиқада энг кўп зарба берди - унинг ҳисобида 3,6 та зарба бор (чемпионатда бу унга 5 та гол келтирди). Кейинги ўринларда "Шахтёр"дан Савицкий ва Игор Иванович (ҳар бири 3,4дан). Абдихолиқов ҳар бир ўйинда ўртача 3,1 (5-ўрин), Дарбо эса 2,5 (15-ўрин) дан зарба бермоқда.
"Динамо Брест" ҳужумчиси Серҳий Линко энг кўп офсайд қайд этган - у майдонда 90 дақиқада ўртача 1,6 марта ўйиндан ташқари ҳолатда қолган. Ундан кейинги ўринларда Минскнинг “Динамо” клубидан Владислав Ложкин (1,5), “Ислоч”дан Даниэл Созах ва Абдихолиқов (1,4) бормоқда.
Шунингдек, давра рамзий жамоасига Абдихолиқовдан ташқари яна бир футболчимиз Абдуқодир Хусанов ҳам киритилган. У ҳам Бобур сингари "Энергетик-БГУ" сафида тўп тепади.
