"Тоттенхэм" ярим ҳимоячиси Жованни Ло Чельсо "Милан"нинг нишонига тушди.
Ярим ҳимоячи ўтган мавсумда "Вильярреал"да ижара асосида ўйнади. Аргентиналик футболчи клубга Чемпионлар лигасининг ярим финалига чиқишга ёрдам берди.
Шундан сўнг у Лондонга қайтди, бироқ “Тоттенхэм” бош мураббийи Антонио Конте футболчини янги мавсум учун таркибда кўрмаганини очиқ айтди.
Энди "Милан" футболчига эътибор қаратди, деб хабар беради Planeta Milan. Бундан ташқари, футболчига “Наполи”, “Фиорентина” ва “Вильярреал” клублари қизиқиш билдирмоқда.
Ўтган мавсумда футболчи Ла Лигада 16 та ўйинда майдонга тушиб, 1 та гол урди ва 1 та голли узатмани амалга оширди.
