Айни дамда Истанбулда (Туркия) Чемпионлар лигаси саралашининг 2-туридан ўрин олган жавоб учрашуви бўлиб ўтди.
“Фенербахче” Киевнинг “Динамо”сини қабул қилди ва баҳс 1:1 ҳисобида якунланди.
57-дақиқада Виталий Буялский ҳисобни очган бўлса, 89-дақиқада Аттила Салай мувозанатни тиклади.
Қизиғи, “Фенербахче” мухлислари Россия президенти Владимир Путин номини айтиб, рақиб голини нишонлашди.













