"Реал"нинг собиқ ҳужумчиси ва Ла Лига элчиси Фернандо Морьентес "Манчестер Юнайтед" ҳужумчиси Криштиану Роналдунинг "Атлетико Мадрид"га ўтиши мумкинлиги ҳақида ўз фикри билан ўртоқлашди. Унинг фикрича, 37 ёшли португалияликни Мадрид клубида кўриш ғалати бўлади.
"Менга бу жуда ғалати туюлади, лекин ҳамма нарса бўлиши мумкин", - деди Морьентес. "Мен Криштианунинг яна Ла Лигада ўйнашини жуда хоҳлардим."
Унинг фикрича, Ла Лигани тарк этган ҳар қандай футболчи охир-оқибат қайтишни истайди.
"Роналдуни "Атлетико" либосида кўриш менга ғалати туюлади, аммо ҳозир мен Ла Лигадаман ва агар у келса, уни кутиб олишади", - деди у.
Ўтган мавсумда Роналду “Манчестер Юнайтед” сафида барча мусобақаларда 39 та ўйинда майдонга тушиб, 24 та гол урди ва 3 та голга ассистентлик қилди. Ҳужумчининг клуб билан шартномаси 2023 йилнинг 30 июнига қадар мўлжалланган.
