Ла Лига президенти Хавьер Тебаснинг фикрича, "Манчестер Юнайтед" ҳужумчиси Криштиану Роналду "Атлетико" сафида Испания чемпионатида ўйнаши мумкин.
"Мен Криштиану Роналдуни Ла Лигада кўришни истардим. Бу "Атлетико" билан ёки бошқа жамоа, фарқи йўқ. Агар улар ушбу ўйинчини жалб қилмоқчи бўлсалар, баъзи қадамлар қўйишлари керак. Бундай даражадаги ўйинчи билан шартнома имзолаш учун баъзи футболчилар билан хайрлашишга тўғри келади", - дея Тебаснинг сўзларини келтиради Infobae.
37 ёшли форвард ўтган мавсумда "Манчестер Юнайтед" сафида 37та ўйинда майдонга тушиб, 24та гол урган ва 3та голга ассистентлик қилган. Унинг инглиз жамоаси билан шартномаси 2023 йилгача мўлжалланган.













