"Лацио" ярим ҳимоячиси Сергей Милинкович-Савич фаолиятини "Манчестер Юнайтед"да давом эттирмоқчи, деб хабар беради Tuttosport.
Манба берган хабарга кўра, римликлар ҳали "Манчестер Юнайтед"дан футболчи бўйича расмий таклиф олгани йўқ. Бироқ клуб яқин орада буни амалга ошириш ниятида. Бундан ташқари, “Манчестер Юнайтед” бош мураббийи Эирк тен Хаг аввалроқ клуб трансфер ойнаси ёпилгунига қадар яна бир ярим ҳимоячини сотиб олмоқчи эканлигини айтганди.
Ярим ҳимоячи ўтган мавсумда 37 та ўйинда майдонга тушиб, 11 та гол урди ва 11 та голли узатмани амалга оширди.
