Португалия терма жамоасининг бош мураббийи Паулу Бенту жамоа сардори Криштиану Роналдунинг хатти-ҳаракатлари учун терма жамоа мухлисларидан узр сўраган, дея хабар бермоқда испан нашрлари.
Эслатиб ўтамиз, Европа чемпионатининг гуруҳ босқичида Германия терма жамоасига қарши кечган илк учрашувдан сўнг Роналду мухлисларга ташаккур билдирмасдан, дарҳол ечиниш хонасига йўл олган. Бу эса катта резонансга сабаб бўлган.
"Футболчилар ўйиндан кейинги вазиятга турлича муносабатда бўлишади. Агар кимдир сардоримизнинг хатти-ҳаракатларидан ўзини таҳқирланган деб ҳисобласа, мен ўз узримн келтираман. Айнан мен бу ҳолат учун масъулман. Лекин мухлислар ҳам тушинишини истар эдимки, ҳамма ҳам бир хил муносабатда бўла олмайди", — деган Бенту.
