Дортмунднинг "Боруссия" клуби скаутлар ва таҳлиллар бўлими бошлиғи Маркус Пилава истеъфога чиққанини эълон қилди.
Журналист Флориан Плеттенбергнинг ёзишича, Пилава "Бавария"да бош скаут лавозимини эгаллайди.
Қайд этилишича, 44 ёшли мутахассис Мюнхен клубида 1 сентябрдан иш бошлайди.
"Бавария" ўтган мавсумда Бундеслигада 34 турдан кейин 77 очко тўплаган ҳолда ғолиб чиқди. Дортмунд клуби 69 очко билан иккинчи ўринни эгаллади.