Португалия терма жамоаси ярим ҳимоячиси Рауль Мейрелешнинг таъкидлашича, Дания терма жамоасини мағлубиятга учратиш, айниқса жамоадоши Криштиану Роналду учун кўпроқ аҳамиятга эга экан.
Португалларнинг турнирни эрта якунлаши Роналдунинг “Олтин тўп” соврини йўлидаги юришини тўхтатиши мукин экан. Шунинг учун Мейрелеш нуфузли совринни Лионель Мессидан тортиб олишида Роналдуга ёрдам бермоқчи.
“У ажойиб футболчи ва яхши дўст. Бўлажак ўйинни биз Роналду учун ҳам, ўзимиз учун ҳам ютишга мажбурмиз.
Криштиану ютқазишни ёмон кўради. Ўз-ўзидан тушунарлики, бўлажак ўйинлар Роналду учун ўта муҳим. У Германиядан қабул қилинган мағлубиятдан жуда қаттиқ хафа бўлди”, - дейди Рауль Мейрелеш Goal.comга берган интервьюсида.
