"ПСЖ" ярим ҳимоячиси Идриссу Гейе Англиянинг "Эвертон" клубига қайтишни ўйламоқда, деб хабар тарқатяпти франциялик журналист Адриен Гренье ўзининг ижтимоий тармоқларида.
Сенегаллик футболчи ўз олдига юқори мақсадлар қўядиган амбицияли жамоага ўтмоқчи. Аввалроқ футболчи юқори савияда ўйнашни истагани учун Туркиянинг "Галатасарой" клубидан бош тортганди. Шу билан бирга, "Эвертон" ўтган мавсумда Англия Премьер-лигасидаги ўз ўрнини сақлаб қолганди.
Гейе "Эвертон"нинг ушбу трансфер ойнасида тўртинчи хариди бўлиши мумкин. Клуб аввалроқ Жеймс Тарковски ва Рубин Винагре билан шартнома имзолаганди. Бундан ташқари, тез орада Дуайт МакНилнинг кўчиши ҳақида расмий эълон қилинади.