Бугун "В" гуруҳида 2-тур ўйинлари бўлиб ўтади. Ўтган турда кутилмаганда данияликларга ютқазиб қўйган голландлар Германия терма жамоасига қарши ҳаёт-мамот жангига чиқишади. "Металист" стадионида ўтказиладиган ўйинни швейциялик Йонас Эриксон бошқариб боради. Ўйин Тошкент вақти билан соат 23-45 да бошланади.

Голландия ва Германия терма жамоалари шу пайтгача 38 марта тўқнаш келишган. Шулардан 14 тасида немислар, 10 тасида голландлар ғалаба нашидасини суришган, 14 та ўйинда дуранг натижа қайд этилган. Бу икки терма жамоанинг сўнгги учрашувида Германия 3-0 ҳисобида ғалаба қозонган. Европа чемпионати финал босқичида бу термалар 4 марта рўбарў келишган. Шулардан иккитасида голландлар, биттасида немислар зафар қучишган. Охирги бор Евро-2004да бўлиб ўтган баҳсда 1-1 ҳисоби қайд этилган. 

Голландия терма жамоаси саралаш баҳсларида 10 та ўйинда рақиблар дарвозасига 37 та гол йўллашди. Биринчи турда фақат Голландия ва Португалия термалари рақиблар дарвозасини ишғол эта олишмади.

Германия терма жамоаси сўнгги 17 та ўйинида рақибларига энг камида битта гол уришга муваффақ бўлди. Немислар сўнгги бор 2010 йилнинг 17 ноябр куни шведлар билан бўлган ўйинда рақиблар дарвозасини ишғол эта олишмади.

Бугун термалар қуйиаги таркибда тушиши кутилмоқда.

Голландия: Стекеленбург, Ван дер Вил, Хейтинга, Влаар, Виллемс, Найжел де Йонг, Ван Боммел, Роббен, Снейдер, Куйт, Ван Перси.

Германия: Нойер, Боатенг, Хуммельс, Батштубер, Лам, Хедира, Швайнштайгер, Мюллер, Ўзил, Подолский, Гомес.