Уругвайлик ярим ҳимоячи Матиас Весино Римнинг “Лацио” клубига ўтади.
Бугун эрталаб футболчи 2025 йилнинг июнигача мўлжалланган шартнома имзолади. Бу ҳақда журналист Фабрицио Романо ўзининг Твиттер саҳифасида маълум қилди.
Весино "Лацио"га эркин агент сифатида қўшилди. Ўтган мавсумни футболчи Миланнинг "Интер" клубида ўтказди ва у 23та ўйинда майдонга тушиб, битта гол урди.
Уругвайлик футболчининг Италия клуби билан шартномаси июнь ойида ниҳоясига етди, раҳбарият шартномани узайтирмасликка қарор қилди.