"Тоттенхэм" клуби "Вулверхэмптон" ҳужумчиси Адама Траоре атрофидаги вазиятни кузатмоқда ва трансфер ойнаси ёпилгунига қадар футболчини сотиб олишга уриниб кўриши мумкин.
Траоре ўтган мавсумни "Барселона"да ижара асосида ўтказди. Каталонияликлар футболчини баҳор охирида сотиб олишлари мумкин эди, аммо бу имкониятдан фойдаланмасликка қарор қилишди.
Шу билан бирга футболчининг “бўрилар” лагеридаги келажаги ҳам сўроқ остида қолмоқда. "Тоттенхэм" бош мураббийи Антонио Конте Траорени тўғридан-тўғри тўсиқни ёпадиган футболчи сифатида кўради. Футболчининг трансфер нархи 12 миллион евро атрофида.
Футболчи ўтган мавсумда Ла Лигада 11 ўйинда майдонга тушиб, 2 голга ассистентлик қилган.