"Барселона" "Тоттенхэм" ҳимоячиси Серхио Регилонга қизиқиш билдирмоқда, деб хабар беради AS.
Манба берган хабарга кўра, Каталония клуби 25 ёшли испаниялик футболчини "Челси" ҳимоячиси Маркус Алонсога муқобил вариант сифатида кўриб чиқмоқда.
Қайд этилишича, Регилонни "Реал" 40 миллион евро эвазига қайта сотиб олиши мумкин.
Эслатиб ўтамиз, Мадрид клуби ҳимоячини 2020 йилнинг 19 сентябрь куни 30 миллион евро эвазига “шпорлар”га сотиб юборган эди.
Регилон ўтган мавсумда лондонликлар сафида барча мусобақаларда 31 та ўйинда майдонга тушиб, 2 та гол урди ва 3 та голли узатмани амалга оширди. Ҳимоячининг клуб билан шартномаси 2025 йилнинг 30 июнига қадар амал қилади.
