"Barselona" "Tottenxem" himoyachisi Serxio Regilonga qiziqish bildirmoqda, deb xabar beradi AS.

Manba bergan xabarga ko‘ra, Kataloniya klubi 25 yoshli ispaniyalik futbolchini "Chelsi" himoyachisi Markus Alonsoga muqobil variant sifatida ko‘rib chiqmoqda.

Qayd etilishicha, Regilonni "Real" 40 million yevro evaziga qayta sotib olishi mumkin.

Eslatib o‘tamiz, Madrid klubi himoyachini 2020 yilning 19 sentyabr kuni 30 million yevro evaziga “shporlar”ga sotib yuborgan edi.

Regilon o‘tgan mavsumda londonliklar safida barcha musobaqalarda 31 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Himoyachining klub bilan shartnomasi 2025 yilning 30 iyuniga qadar amal qiladi.