"Барселона" президенти Жоан Лапорта яна бир бор Лео Месси ҳақида гапирди. У аргентиналик футболчилик фаолиятини Каталонияда якунлашини истайди.
"Барчамизга аёнки, Леонинг "Барса"даги фаолияти барчамиз хоҳлагандек тугамаган. Лекин содир бўлган воқеа учун ўзимни масъул ҳис қиляпман. Шу билан бирга, унинг клубдан кетиши вақтинчалик ҳодиса эканлигини истисно этмайман.
Клуб Лео олдида маънавий мажбуриятга эга ва мен уни "Барселона" либосида футбол ўйнашни тўхтатишини истайман. У қаерда бўлмасин ва нима қилса ҳам олқишларга лойиқ эди", деди Лапорта.
