Хабарингиз бор, ҳозирги кунларда ҳамма футбол мухлисларининг диққат эътибори Евро-2012 мусобақаларига қаратилган.
Шунингдек мана қисқа танаффусдан сўнг мамлакатимиз Олий лига 10-тури мусобақалари ҳам бошланай деб турибди. Албатта биз мухлислар ҳеч қачон ўзимизнинг чемпионатимизга ҳам бефарқ бўла олмаймиз. Шу муносабат билан, биз мухлисларимизга сайтмиз орқали хабардор қилиш учун, жамоаларимиз ўйинлари намойиши тўғрисида маълумот сўраб, телевидения ходимларига мурожаат қилдик.
Бизга "Спорт" телеканали ходими Тўлқинжон Бакирхўжаевнинг твиттери орқали маълум бўлишича, эртага яъни 14 июнь куни 10:15 дан бошлаб, Ж.Корея - Ливан терма жамолари ўртасидаги учрашувни томоша қилиш имкониятига эга бўламиз.
Шунингдек 16 июнь куни "Бунёдкор" - "Насаф" жамоалари ўртасидаги учрашувни "Спорт" телеканали орқали 18:55 дан бошлаб, тўғридан-тўғри томоша қиламиз. Мабодо айрим сабабларга кўра ушбу ўйинни ўз вақтида кўриш имкони бўлмаган футбол мухлислари якшанба куни 11:45 да такрорий намойишда томоша қилишлари мумкин.
Олий лига 10-туридан жой олган яна бир учрашув Ғузордаги "Шўртан" - "Пахтакор" ўйинини "Насаф" HD КТС орқали тасвирга олинади (бу ҳақда бизга КТС бош режиссёри Туроб Ҳайдаров маълумот берди) аммо бу учрашув "Спорт" ТВ орқали тўғридан-тўғри намойиш этилмайди, балки, якшанба куни намойиш этилиши маълум бўлди, ҳозирча кўрсатув вақти маълум эмас, аниқ бўлиши билан бу ҳақда биз албатта сайтимиз орқали хабар берамиз.