Хорватия терма жамоаси ҳимоячиси Домагой Вида Загребда ўғирлик қурбони бўлди, деб хабар беради Fanatik нашри.
Манбага кўра, босқинчилар сигнал ва видеокузатув камераларини ўчириб қўйганидан сўнг, футболчининг уйига бостириб киришган, сўнгра уйдан жами 600 минг еврони ўмариб кетишган.
33 ёшли футболчи Грециянинг АЕК клубига ўтишга тайёргарлик кўраётганди, бироқ воқеа туфайли трансферни кейинга қолдиришга тўғри келди.
Аввалроқ Вида беш мавсум давомида Туркиянинг “Бешиктош” клуби шарафини ҳимоя қилган ва жами 163 ўйин ўтказиб, 16 гол урган ҳамда битта голли узатмани амалга оширган.
