Sportitalia ва Sky Sports Italia хабарларига кўра, "Рома" "ПСЖ" ярим ҳимоячиси Жоржиньо Вейналдумни ижарага олди. Шартнома 10 миллион еврога мажбурий сотиб олиш вариантини ўз ичига олади.
Манбаларга кўра, клублар муҳокама қилаётган ягона масала 31 ёшли нидерландияликнинг мавсум учун 7 миллион евро маошини тўлаш бўлиб турибди. "Рома" "ПСЖ" ушбу сумманинг 50 фоизини тўлашига умид қилмоқда.
Ўтган мавсумда Вейналдум "ПСЖ" сафида 38 ўйинда 3 та гол урди ва 2 та голга ассистентлик қилди.