Ҳозиргина Европа чемпионатининг "В" гуруҳида ҳам иккинчи тур ўйинларидан бири ўз ниҳоясига етди.
Илк турда Германиядан минимал ҳисобда мағлуб бўлган Португалия терма жамоаси, Голландияни ҳудди шундай тарзда мағлуб этган Дания термаси билан куч синашди.
Ўйин чемпионатнинг энг қизиқарли ва драматик учрашувларидан бири бўлди дейиш мумкин. Биринчи бўлимда Пепе ва Элдер Поштигаларнинг биттадан голи эвазига олдинга чиқиб олган португалияликлар бироз бўшашишди ва бўлим оҳирида Никлас Бентднер ҳисобни биттага қисқартирди.
Иккинчи бўлим якунига етиб бораётган бир пайтда, яна ўша Бентднер ҳисобни тенглаштиришга эришди - 2:2. Унгача эса, Криштиану Роналду бир-бир имкониятдан фойдалана олмаган ва сал қолса учрашув антиқахрамонларидан бирига айланиши мумкин эди. Лекин унинг баҳтига жамоадаги шериклари жонбозлик кўрсатишди
Ўйин тугашига 2 дақиқа қолганида, заҳирадан майдонга туширилган Сильвестр Варела ўз терма жамоасига жуда муҳим 3 очкони кетирган гол муаллифига айланди - 3:2.
Шундай қилиб, жуда қийин учрашувда ғалаба қозона олган Криштану Роналду ва унинг жамоадошлари гуруҳдан чиқиш учун имкониятларини сақлаб қолишди. Ҳудди шундай имконият Дания терма жамоасида ҳам ҳали мавжуд.
Дания - Португалия 2:3
Голлар: Бендтнер, 41, 80 - Пепе, 24, Элдер Поштига, 36, Варела, 87
Дания: Андерсен, Якобсен, Кьяер, Аггер, С. Поульсен, Квист, Зимлинг (Я. Поульсен, 16), Роммедаль (Миккельсен, 60), Эриксен, Крон-Дели (Шоне, 90), Бендтнер
Португалия: Руи Патрисиу, Жоау Перейра, Бруну Алвеш, Пепе, Фабиу Коэнтрау, Мейрелеш (Варела, 84), Мигел Велозу, Жоау Моутиньо, Нани (Роланду, 89), Криштиану Роналду, Элдер Поштига (Нельсон
