"Ливерпуль" бош мураббийи Юрген Клопп эртага "Уэмбли" стадионида бўлиб ўтадиган Англия Суперкубоги учун "Манчестер Сити"га қарши ўйин олди фикрлари билан ўртоқлашди.
"Манчестер Сити"га бўлган ҳурматимиз чегара билмайди. Улар Суперкубокда Премьер-лига чемпиони сифатида ўйнашади. Ўйлайманки, биз уларни қандай қилиб олдинга силжишга ундаганимиз билан фахрланишимиз мумкин, аммо энди биз яна пойгага киришимиз керак", деди Клопп матбуот анжуманида.
“Манчестер Сити” ўтган мавсумда “Ливерпуль” устидан бир очко фарқ билан АПЛ чемпионлигини ҳимоя қилди.
