"Манчестер Сити" ва Португалия терма жамоаси ярим ҳимоячиси Бернарду Силва фаолиятини "Барселона"да давом эттириши мумкин, дея хабар беради журналист Жерар Ромеро.
Манбага кўра, сўнгги пайтларда португалияликнинг Каталония клубига ўтиши эҳтимоли кучайган.
Аввалроқ, 27 ёшли футболчининг хизмати «Барселона» ва «Реал»га таклиф қилингани ҳақида хабар берилганди.
Эслатиб ўтамиз, жорий мавсум оралиғида "кўк-анорранглилар" Роберт Левандовски, Жюль Кунде ва Рафинья трансферларини амалга оширишган. Андреас Кристенсен ва Франк Кессиэ "Барселона"га текинга ўтишди.
Бернарду Силва ўтган мавсумда "шаҳарликлар" сафида 50та ўйинда майдонга тушиб, 13та гол урган ва 7та голга ассистентлик қилган.