“Зенит”нинг собиқ ярим ҳимоячиси Эмилиано Ригони МЛСнинг “Остин” клуби футболчисига айланди, деб хабар беради жамоа расмий сайти.
"Остин" ҳозирда МЛС ғарбий конференциясида иккинчи ўринда бормоқда.
29 ёшли Ригони "Остин"га "Сан-Паулу"дан кўчиб ўтди. Трансфермаркт портали хабарига кўра, келишув 3,64 миллион еврони ташкил қилган.
Шартнома 2024 йилнинг ёзига қадар мўлжалланган бўлиб, у икки йилга узайтирилиши мумкин.