Юлиан Нагельсманн "Барселона"нинг молиявий аҳволи ҳақида гапирди.

Яқинда "Бавария" устози Роберт Левандовскининг Каталония клубига ўтиши ҳақида фикр билдирар экан: "Клубда пул йўқ, лекин у ҳар қандай ўйинчини сотиб олади. Улар буни қандай қилишларини билмайман", деганди.

"Барселона" президенти Жоан Лапорта Нагельсманннинг сўзларига шундай жавоб қайтарди: "Улар ўз ҳисобларини текшириб кўришсин. "Бавария" аллақачон Левандовски учун катта суммани олган", деганди.

“Албатта, мен ҳар доим ҳам барча маълумотларга эга эмасман. "Барселона"нинг молиявий аҳволи ҳақида барча тафсилотларни билмайман. Мен бу саволларни мухлис сифатида бераман ва ёлғиз эмасман.

Менда Лапортанинг бу ҳақда изоҳ бериши билан ҳеч қандай муаммо йўқ. У ўз клуби вакили бўлиши керак", — дейди немис мураббийи.