Голландия терма жамоаси бош мураббийи Берт ван Марвейк Евро-2012 гуруҳ босқичининг иккинчи турида Германияга қарши ўйиндан сўнг (1:2) фикрлари билан ўртоқлашди.
"Агар Германия термасини ютмоқчи бўлсангиз майдонда устунлик қилишингиз керак - шунда голли вазиятлар туғилади. Биз эса биринчи йигирма дақиқаликдан сўнг ҳимояда жуда ёмон ўйнай бошладик. Масалан, Германиянинг биринчи голи йўқ жойдан келди.
Бизнинг бир қатор футболчиларимиз яққол формада эмасдилар. Қанотларда ўйинимиз чиқмади, бусиз Германияни ютиб бўлмайди. Афеллай ва Роббен рақиб дарвозасига кам хавф солдилар", - дея ван Марвейкнинг сўзларини келтиради De Telegraaf.
