“Ливерпуль” ярим ҳимоячиси Алекс Окслейд-Чемберлен сон мушакларидан жароҳат олди.

28 ёшли футболчи жарроҳлик амалиётини талаб қилмайди, бироқ бош мураббий Юрген Клопп жароҳатни жиддий деб баҳолади.

Ярим ҳимоячи июль ойида "Кристал Пэлас"га қарши ўртоқлик учрашувида жароҳат олганди.

Бундан ташқари, Клопп 23 ёшли дарвозабон Кивин Келлехер ҳамон ноқулайликни бошдан кечираётганини айтди.

У июнь ойида Ирландия терма жамоасида ўйнаб, жароҳат олган ва яна 2-3 ҳафта майдонга туша олмайди.

Окслейд-Чемберленнинг тикланиш вақтига келсак, Клопп бу Келлехерникидан кўра кўпроқ вақт олишини айтди.