"Барселона" клубининг янги ҳужумчиси Роберт Левандовски "Бавария"ни тарк этишга қарор қилгани ҳақида фикр билдирди.

"Мен аниқ нима бўлганлиги ҳақида гапирмоқчи эмасман. Аммо агар трансфер қарори Холанд туфайли қабул қилинганми деган савол туғилса, "йўқ", деб жавоб бераман ва мен унинг "Бавария"га ўтишида муаммо кўрмадим.

Лекин баъзилар менга тўғрисини айтмайди, бошқа гапни айтади. Мен учун ростгўй бўлиш ҳар доим муҳим бўлган, балки кимлардир учун бу муаммо бўлгандир. Мен кўрдим ва ҳис қилдим, эҳтимол ҳозир "Бавария"ни тарк этиш ва "Барселона"га ўтиш учун тўғри вақт.

Жамоадошларим билан, ходимлар билан, мураббий билан жуда яхши муносабатда бўлганман ва буларнинг барчасини соғинаман, чунки у ерда ажойиб вақт ўтказдим. Биз ўйинда нафақат дўст эдик. Лекин якунда бу боб тугади ва мен ҳаётимнинг ҳамда фаолиятимнинг янги саҳифасини очяпман.

Шунинг учун мен ўзимни тўғри позицияда, керакли жойда эканлигимни ҳис қиляпман. Демак,"Бавария"ни тарк этишим олдидан сўнгги бир неча ҳафта ичида содир бўлган воқеалар, жумладан, сиёсат билан боғлиқ эди. Клуб мени бошқа клубга сотиш учун далиллар топишга ҳаракат қилди, чунки мени сотиб юборишларини клуб раҳбарияти мухлисларга тушунтириши қийин эди.

Мен эса бунга чидашга мажбур бўлдим, бу бемаънилик бўлишига қарамай, мен ҳақимда жуда кўп бемаъни гаплар айтилди. Лекин шуни биламанки, бу даврда ҳам мухлислар мени жуда қўллаб-қувватлашади", - деди Левандовски.