"Barselona" klubining yangi hujumchisi Robert Levandovski "Bavariya"ni tark etishga qaror qilgani haqida fikr bildirdi.

"Men aniq nima bo‘lganligi haqida gapirmoqchi emasman. Ammo agar transfer qarori Xoland tufayli qabul qilinganmi degan savol tug‘ilsa, "yo‘q", deb javob beraman va men uning "Bavariya"ga o‘tishida muammo ko‘rmadim.

Lekin ba’zilar menga to‘g‘risini aytmaydi, boshqa gapni aytadi. Men uchun rostgo‘y bo‘lish har doim muhim bo‘lgan, balki kimlardir uchun bu muammo bo‘lgandir. Men ko‘rdim va his qildim, ehtimol hozir "Bavariya"ni tark etish va "Barselona"ga o‘tish uchun to‘g‘ri vaqt.

Jamoadoshlarim bilan, xodimlar bilan, murabbiy bilan juda yaxshi munosabatda bo‘lganman va bularning barchasini sog‘inaman, chunki u yerda ajoyib vaqt o‘tkazdim. Biz o‘yinda nafaqat do‘st edik. Lekin yakunda bu bob tugadi va men hayotimning hamda faoliyatimning yangi sahifasini ochyapman.

Shuning uchun men o‘zimni to‘g‘ri pozisiyada, kerakli joyda ekanligimni his qilyapman. Demak,"Bavariya"ni tark etishim oldidan so‘nggi bir necha hafta ichida sodir bo‘lgan voqealar, jumladan, siyosat bilan bog‘liq edi. Klub meni boshqa klubga sotish uchun dalillar topishga harakat qildi, chunki meni sotib yuborishlarini klub rahbariyati muxlislarga tushuntirishi qiyin edi.

Men esa bunga chidashga majbur bo‘ldim, bu bema’nilik bo‘lishiga qaramay, men haqimda juda ko‘p bema’ni gaplar aytildi. Lekin shuni bilamanki, bu davrda ham muxlislar meni juda qo‘llab-quvvatlashadi", - dedi Levandovski.