Туриннинг “Ювентус” клуби “Челси” ҳужумчиси Тимо верньерни сотиб олмайди. Журналист Флориан Плеттенбергнинг ижтимоий тармоқларда хабар беришича, "кекса сеньора"га немис жуда қимматга тушади, деб ҳисоблайди.
"Ювентус" бош мураббийи Массимилиано Аллегри верньерни жуда яхши кўради, аммо футболчининг маоши барибир асосий тўсиқ бўлиб қолмоқда. Футболчи ҳафталик маошини камайтиришга рози бўлса ҳам жамоа унга керакли суммани тўлашга тайёр бўлмайди.
Вернернинг ўзи учун маъқулроқ вариант - "РБ Лейпциг"га қайтиш. Икки йил олдин Тимо айнан шу ердан "Челси"га ўтган эди.
