"Ливерпуль" ҳимоячиси Трент Александер-Арнольд Англия Суперкубоги доирасида "Манчестер Сити"га қарши кечган бугунги ўйинда Дарвин Нуньеснинг ўйинини баҳолади.

“Ливерпуль” “шаҳарликлар”ни 3:1 ҳисобида мағлуб этиб, кубокни қўлга киритди. "Қизиллар"нинг янги аъзоси Дарвин Нуньес иккинчи бўлимда захирадан майдонга тушиб гол урди.

"У пенальти тепди, гол урди ва жуда фаол эди. У гол уриш учун сотиб олинган, бугун у нимага қодирлигини кўрсатди.

Дарвин яхшиланишда давом этаётган ажойиб ёш футболчи. У аллақачон жамоадошлари билан яхши муносабатлар ўрнатган.

Бу мавсумнинг ажойиб бошланиши эди. Умид қиламанки, биз совринларни ютишда давом этамиз”, - дейди англиялик футболчи.