"Liverpul" himoyachisi Trent Aleksander-Arnold Angliya Superkubogi doirasida "Manchester Siti"ga qarshi kechgan bugungi o‘yinda Darvin Nunyesning o‘yinini baholadi.
“Liverpul” “shaharliklar”ni 3:1 hisobida mag‘lub etib, kubokni qo‘lga kiritdi. "Qizillar"ning yangi a’zosi Darvin Nunyes ikkinchi bo‘limda zaxiradan maydonga tushib gol urdi.
"U penalti tepdi, gol urdi va juda faol edi. U gol urish uchun sotib olingan, bugun u nimaga qodirligini ko‘rsatdi.
Darvin yaxshilanishda davom etayotgan ajoyib yosh futbolchi. U allaqachon jamoadoshlari bilan yaxshi munosabatlar o‘rnatgan.
Bu mavsumning ajoyib boshlanishi edi. Umid qilamanki, biz sovrinlarni yutishda davom etamiz”, - deydi angliyalik futbolchi.
