"Ливерпуль" бош мураббийи Юрген Клопп Англия Суперкубоги доирасида "Манчестер Сити"га қарши ўйинда (3:1) ҳужумчи Дарвин Нуньеснинг ўйинини юқори баҳолади.
“Ундан яхши ўйин. Вақт ўтиши билан янада яхшиланиши аниқ. Биз шундай дунёда яшаяпмизки, унда ҳамма биринчи таассуротларга кўра баҳоланади ва бунинг учун ҳеч ким яхшироқ эмас. Бугун иккала жамоа ҳам юз фоиз тайёр эмас эди. Ушбу босқичда бу нормал ҳолат. У майдонга киргач, ҳар бир тўпни унга беришга ҳаракат қилдик. Биз сабр қиламиз ва у нима қила олишини кўрамиз. Менга унинг ўйиндаги таъсири ёқди", - дея Клоппнинг сўзларини келтиради "қизиллар" сайти.
"Ливерпуль" 16 марта Суперкубокни қўлга киритди ва бу кўрсаткич бўйича "Арсенал" билан тенглашди, "Манчестер Юнайтед" Англия Суперкубогида энг кўп ғалаба қозонган (21).
