"Манчестер Сити"нинг янги футболчиси Хулиан Альварес жамоа сафидаги расмий ўйинларидаги дебюти ҳақида фикр билдирди.

Пеп Гвардиола шогирдлари Англия Суперкубоги учун кечган баҳсда “Ливерпул”дан 1:3 ҳисобида мағлуб бўлишди. Айнан аргентиналик ҳужумчи "Манчестер Сити"нинг ягона голи муаллифига айланди.

“Албатта, “Манчестер Сити” сафидаги илк голимни урганимдан жуда хурсандман, аммо бу ортда қолмоқда, чунки биз мағлуб бўлдик. Биз бу совринни қўлга киритишни хоҳлагандик, мағлубиятни қабул қилиш қийин. Биз ишлашда давом этамиз.

"Ливерпул"га қарши ўйин ажойиб бошланғич синов. Биз муносиб савияни кўрсатдик, аммо натижага эришиш учун ишлашимиз керак”, деди футболчи.