Италиялик футболчи Жоржио Кьеллини "Реал" устози Карло Анчелотти ҳақида фикр билдирди. Ўтган мавсумда "қаймоқранглилар" италиялик мураббий қўл остида Ла Лига ва Чемпионлар Лигасида ғалаба қозонишди.
“Натижалар Анчелоттининг ўзи ҳақида гапиради. У ажойиб инсон. Мен хафаман, чунки у менга мураббийлик қилишини хоҳлардим. Бу тарихдаги энг яхши мураббийлардан бири. Мен унга фантастик фаолиятида омад тилайман”, - деди Кьеллини Marca нашрига берган интервьюсида.
Эслатиб ўтамиз, ёзги трансфер ойнасида Жоржио Кьеллини 17 йиллик фаолиятидан сўнг "Ювентус"ни тарк этди. Ҳимоячи "Лос-Анжелес" клуби билан шартнома имзолаб, МЛСга йўл олди.
